Fakulteti i Gjeologjisë dhe i Minierave shpall kriteret për përzgjedhjen e pedagogëve të ftuar (personel akademik me kohë të pjesshme) për vitin akademik 2026 – 2027, Sipas Departamenteve.
- DEPARTAMENTI I INXHINIERISË SË BURIMEVE MINERARE.
KRITERET
a. 1 (një) personel akademik me kohë të pjesshme në diplomën Bachelor në Inxhinieri e Burimeve Minerare, për lëndën Etikë Komunikimi.
Kandidati për këtë pozicion duhet:
- Të ketë mbaruar Fakultetin e Shkencave Sociale/Shkencave Filologjike me notë mesatare mbi 7.5;
- Të ketë specializim apo kualifikim në fushën e Etikës së Komunikimit/Shkencave Filologjike;
- Të ketë eksperiencë pune së paku 2–3 vjeçare në fushën e Shkencave Sociale/Shkencave Filologjike;
- Është e preferueshme eksperienca në mësimdhënie;
- T’i përgjigjet me prioritet nevojave të mësimdhënies së Departamentit;
- Grada shkencore/Titulli akademik përbën prioritet (në këtë rast mesatarja nuk merret parasysh).
b. 1 (një) personel akademik me kohë të pjesshme pranë Grupit mësimor kërkimor Inxhinieri miniere dhe Pasurim i mineraleve dhe mbetjeve për fushën e inxhinierisë së minierave.
Kandidati për këtë pozicion duhet:
- Të ketë mbaruar studimet e larta në Fakultetin e Gjeologjisë dhe të Minierave, sistemi pesëvjeçar në degën Inxhinier Miniere, Master Shkencor në Gjeoinxhinieri, Inxhinieri Miniere ose në fushën e inxhinierisë së minierave në universitete jashtë vendit;
- Të jetë specialist i afirmuar në fushën e minierave në përgjithësi;
- Të ketë notë mesatare mbi 7.5;
- Grada shkencore përbën përparësi (në këtë rast mesatarja nuk merret parasysh).
c. 1 (një) personel akademik me kohë të pjesshme pranë Grupit mësimor kërkimor Inxhinieri miniere dhe Pasurim i mineraleve dhe mbetjeve për fushën e shfrytëzimit në minierë.
Kandidati për këtë pozicion duhet:
- Të ketë mbaruar studimet e larta në Fakultetin e Gjeologjisë dhe të Minierave, sistemi pesëvjeçar në degën Inxhinier Miniere, Master Shkencor në Gjeoinxhinieri ose në fushën e inxhinierisë së minierave në universitete jashtë vendit;
- Të jetë specialist i afirmuar në fushën e minierave në përgjithësi dhe në fushën e shfrytëzimit në sipërfaqe të vendburimeve të mineraleve në veçanti;
- Të ketë notë mesatare mbi 7.5;
- Grada shkencore përbën përparësi (në këtë rast mesatarja nuk merret parasysh).
d. 2 (dy) personel akademik me kohë të pjesshme pranë Grupit mësimor kërkimor Inxhinieri miniere dhe Pasurim i mineraleve dhe mbetjeve për fushën e mekanikës së shkëmbinjve.
Kandidati për këtë pozicion duhet:
- Të ketë mbaruar studimet e larta në Fakultetin e Gjeologjisë dhe të Minierave, sistemi pesëvjeçar në degën Inxhinier Miniere, Master i Shkencave në Gjeoinxhinieri ose në fushën e inxhinierisë në UPT ose në universitete jashtë vendit;
- Të jetë specialist i afirmuar në fushën e inxhinierisë së minierave, ndërtimit në përgjithësi dhe mekanikës së shkëmbinjve në veçanti;
- Të ketë notë mesatare mbi 7.5;
- Ndjekja e studimeve të Doktoratës në këtë fushë përbën përparësi;
- Grada shkencore, përvoja në punë në fushën e inxhinierisë së minierave/mekanikës së shkëmbinjve dhe botimet shkencore në këtë fushë përbëjnë përparësi (në këtë rast mesatarja nuk merret parasysh).
e. 1 (një) personel akademik me kohë të pjesshme pranë Grupit mësimor kërkimor Inxhinieri miniere dhe Pasurim i mineraleve dhe mbetjeve në fushën e Përpunimit të mineraleve dhe të riciklimit të mbetjeve.
Kandidati për këtë pozicion duhet:
- Të ketë mbaruar studimet e larta në Fakultetin e Gjeologjisë dhe Minierave, Fakultetin e Shkencave të Natyrës në UT ose Universitete të Huaja, sistemi pesëvjeçar ose Master Shkencor në fushën e Përpunimit të mineraleve dhe mbetjeve;
- Të jetë specialist i afirmuar në fushën e Pasurimit të mineraleve;
- Të ketë notë mesatare mbi 7.5;
- Grada shkencore/Titulli, përvoja në punë në fushën e pasurimit të mineraleve dhe botimet shkencore në këtë fushë përbëjnë përparësi (në këtë rast mesatarja nuk merret parasysh);
- Të ketë përvojë mbi 5 vjet në mësimdhënie.
f. 1 (një) personel akademik me kohë të pjesshme pranë Grupit mësimor Gjeomatika të specializuar në fushën e Matjeve në Miniera.
Kandidatët për këtë pozicion duhet:
- Të ketë mbaruar studimet e larta në Fakultetin e Gjeologjisë dhe Minierave ose në Universitete të Huaja, sistemi pesëvjeçar ose Master Shkencor në fushën e Gjeomatikës/Gjeoinxhinierisë;
- Të jetë specialist i afirmuar në fushën e Gjeomatikës në përgjithësi dhe në atë të matjeve në miniera në veçanti;
- Të ketë notë mesatare mbi 7.5;
- Grada shkencore/Titulli, përvoja në punë në fushën e gjeomatikës dhe botimet shkencore në këtë fushë përbëjnë përparësi (në këtë rast mesatarja nuk merret parasysh);
- Të ketë përvojë mbi 5 vjet në mësimdhënie.
Shkalla e angazhimit të personel akademik me kohë të pjesshme do të varet nga hapja e profileve të Diplomave Master Profesional dhe Master Shkencor.